Oor Kleinhoewe Kleuterskool | Ons Missie, Waardes en Span

Ons Span

By Kleinhoewe Kleuterskool klop elke juffrou en personeellid se hart vir kleuters.
Ons dink buite die boks en bou daagliks blokkie vir blokkie aan die toekoms van ons kleuters.

Marleney Du Plooy

Skoolhoof

Met ‘n sterk agtergrond in onderwys en ‘n passie vir kindontwikkeling, is my doel om ‘n veilige, ondersteunende en inspirerende leeromgewing vir al ons leerders te skep. Ek sien uit daarna om saam met julle ‘n helder toekoms vir ons kinders te bou.

Cherize van Wyk

Skapie klas (4- 5 jaar)

Ek beskou myself as ‘n konsekwente persoon met hoë waardes. Ek is mal oor my werk en geniet dit om buite die boks te dink en kreatief te wees.

Nicci Grey

Eendjie klas (3- 4 jaar)

Ek het ’n groot liefde en geduld vir elke maatjie in my sorg. By my is kinders veilig, gekoester en werklik raakgesien. My doel is om elke maatjie holisties te ontwikkel, omring deur sagtheid, liefde en begrip. My klassie is my hartklop — ’n plek waar elke kind mag groei en blom. 💛

Mirike Leadley

Hoendertjie klas (2- 3 jaar)

Met n roeping vir onderwys is ek opgewonde om n veilige, liefdevolle en rustige omgewing te skep vir die kinders. Ek glo aan positiewe onderrig en dat leerders geborge moet voel sodat hulle, hul beste potensiaal kan bereik. Ek sien uit om jou kind beter te leer ken, saam hulle te speel en tonne liefde vir hulle te gee.

Bernadine Potgieter

Kalfieklas (1 – 2 jaar)

Ek het met groot opgewondenheid die Kalfieklas oorgeneem. Dit is vir my ’n voorreg om deel te wees van hierdie spesiale fase in die kleintjies se ontwikkeling. Ek glo dat leer deur liefde, speel en ontdekking plaasvind, en ek streef daarna om elke dag ’n warm, veilige en gelukkige ruimte te skep waar elke kind met selfvertroue kan groei.

Hester Kuhn

Hasie Klas (3 – 18 maande)

Ek is van passie, entoesiasme en pret aanmekaar gesit. Ek leef en haal asem vir die magiese oomblikke saam met die maats. In my klaskamer raak positiwiteit en lag nooit op nie.

Lameze Mcphersan

Assistent

Ek is ‘n bok vir sport. Liefdevol, lekker gesellig en altyd behulpsaam.

Abigail Vermaak

Assistent

Ek het n groot liefde en passie vir kinders. Ek het baie goeie waardes en geniet dit vreeslik om met kinders te werk.

Ivonne Mariha

Skoonmaker

Ivonne sorg nie net dat ons klaskamers mooi netjies en skoon is nie, sy versorg ook ons maats met liefde en deernis.

Lenah Sekgalo

Kok

Lenah maak seker ons maats se magies is gevul met gesonde en gebalanseerde maaltye. Ons hoor gereeld dat die “donkieskool” se kos lekkerder as mamma s’n is.

Rebecca Tlhage

Skoonmaker

Rebecca glimlag altyd en speel graag saam met ons maats. Hulle geniet veral haar danspassies.

Driekie

Naskool

Ek is ‘n toegewyde en ervare naskool-juffrou wat jou kind se akademiese sukses en dissipline eerste stel. Ek verseker individuele aandag vir elke maat. Ek het werkende struktuur en ferm dissipline vir ‘n positiewe leeromgewing. Ek bied elke maat geduldige en doelgerigte begeleiding deur die loop van die kwartaal. Vrydae is ons rus dae, dan het ons pret en plesier!

Helrie Dodds

Naskool Hulpassisstent

Die veiligheid en welstand van elke kind is vir my ’n groot prioriteit. Ek sal sorg dat elke maat betyds vertrek, veilig vervoer word en onder toesig bly totdat hulle weer veilig terug is. Vir my is dit belangrik dat ouers met gemoedsrus weet hul kinders word met sorg en verantwoordelikheid dopgehou.

Leer meer oor die Kleinhoewe Kleuterskool familie

Waar ons blokkie vir blokkie aan die toekoms bou

By Kleinhoewe Kleuterskool glo ons in die belangrikheid van die eerste paar jare van ‘n kind se lewe. Ons skool is gestig met die doel om ‘n veilige, stimulerende en liefdevolle omgewing te bied waar kinders kan groei en ontwikkel. Ons span toegewyde onderwysers is passievol oor vroeë kinderontwikkeling en werk hard om elke kind se unieke potensiaal te ontsluit.

Ons kurrikulum is gebalanseerd en fokus op die ontwikkeling van die kleuter in totaliteit. Ons klein klasgroottes verseker dat elke kind persoonlike aandag en ondersteuning kry. Ons doel is om elke kind met selfvertroue en ‘n liefde vir leer toe te rus.

By Kleinhoewe Kleuterskool is ons trots op ons gemeenskap. Ons werk nou saam met ouers om seker te maak dat elke kind die beste moontlike begin in die lewe kry. Ons nooi jou uit om ons kleuterskool te besoek en te sien hoe ons die leerders van vandag voorberei vir die toekoms.

Marleney du Plooy
Skoolhoof
Kleinhoewe Kleuterskool

Stuur ‘n boodskap

Ons bied aan jou

Persoonlike Aandag

Kleinhoewe Kleuterskool bied klein klasgroottes wat verseker dat elke kind die individuele aandag en ondersteuning kry wat hulle nodig het om te floreer en met selfvertroue die wereld te kan aanpak.

Gebalanseerde Kurrikulum

Ons kurrikulum kombineer akademiese leer met kreatiewe en sosiale aktiwiteite om ‘n holistiese benadering tot vroeë kinderontwikkeling te verseker.

Veilige en Stimulerende Omgewing

Ons skool bied ‘n veilige, gesonde en liefdevolle omgewing waar kinders vrylik kan speel, leer en groei.

Toegewyde en Liefdevolle Onderwysers

Ons span bestaan uit liefdevolle en passievolle onderwysers wat toegewyd is aan die welsyn en ontwikkeling van elke kind.

Kleinhoewe Kleuterskool, Rustenburg

Wie is ons